von damals

aus" 25 Joahr Theatergruppe Hollenbeck" Programmheft von 1995


Leeve Theoterfrünnen!

Lange Tied is dat nun her, as einige Hollenbecker Führwehrlüd de Idee harn, mol een Obend to veranstalten, wotau blos de Dörpslüd inlod ward´n schulln. - So´n Dörpsgemeinschaftsobend. -


Um den Obend over noch een lütten Reiz to geben, beschleut man vörweg een plattdütsches Theaterstück optoführen.


Denn överall fier man denn Karneval, dorut möken wie den Dörpsgemeinchaftsball!


Irst güng dat zaghaft mit lütje Eenakters los. Een Soufleur vör de Bühne, twee aste de Kulissen.

Ober as de erste Obend erfolgreich wör, geev dat Obwind bie de Speelers, un man beschleut, dat nächste Joahr wedder so´n Dörpsobend to veranstalten.


Ober dor is nox von wor´n, denn de Besitzer von "Gasthaus zu Post" wull sien Anwesen verpachten.

Wi harrn nu obmol keen Tohus mir.

As denn ober in Haarst 1971 enn neeen Wirt keem, kunn dat Theoteröben weer losgohn.

Trotz eeniger Startschwierigkeiten hebt wie denn Anschluß wedder funnen, un kunnen im Februar 1972 dat nächste Stück obführen.


Mit de Opführung in 1973 ha´n wie so groden Erfolg, dat man beschleut, dat Theoterstück noch een mol optoführen. Hier kunn denn all de Lüd hingohn, de an ersten Obend keen Tied oder keen Lust to´n Danzen harrn.





In 1974 hett de Hollenbecker Theotergrupp dat Stück "Patzköpp"

neben de beiden Opführungen in Dörp, ok noch einige Moole in verschiedene Noberdörper opführt.

Dor keum und de Idee, de Theotergrupp od denn Nom "Patzköpp" to döpen.


In de kommenden twölf Joahr hebt we uns Theoterstücke deelwies biMinusgrode ob´n Sool instudiert.

Ohne een hitten stieven Grog güng dat oftmals würklich nich mehr.

Ober as 1986 dat "Gasthaus zur Post" verköfft warden de, müssen wie uns ganz neet orientieren.

Den jungen Speeler gäben nich ob, un studieren jümmer Theoterstücke ünner deelwies swierige Bedingungen in. So wören u.a. de Kulissen inne ole Schoolklass obbaut, oder dat Öben fünn sogor mol in Keller von Bernd Siliaks statt, de intwüschen de Regie von Rolf Rogge övernommen hed.

Ober disse Tieden sünd intwüschen Vergangenheit.

Vondog steit uns dat 1991/92 baute Dörpsgemeinschaftshus to Verfügung.

De Theotergrupp "Patzköpp" hed sik dör disse nee Heimat fungen un kann vondog ob eene gesunne Mischung von olle und junge Speelers torüchgriepen.

Wie hofft dat dat in Tokunft so blifft, un wünscht un ümmer von unse Speeler den nötigen "Speelwitz".

Tonn´Schluß müch sik den Theotergrupp bi dat treue Publikum un bi alle Hülpslüd bedanken.